Shámshi keshi shyraıly ótti
ASTANA. Qyrkúıektiń 20-sy. QazAqparat - Astanadaǵy «Kongress-Holl» saraıynda qyrkúıektiń 18-i kúni uly sazger, Qazaqstannyń halyq ártisi,
Memlekettik Ánurannyń sazyn jazǵan Shámshi Qaldaıaqovtyń 80 jyldyǵyna arnalǵan merekelik án keshi bolyp ótti.
Ónersúıer qaýym qazaqtyń keń dalasyn ulttyq boıaýy mol ánderimen terbegen sazgerdiń árbir shyǵarmasyn qoshemetpen qarsy alyp otyrdy. Elimizge tanymal ártister Tuńǵyshbaı ál-Tarazı, Maqpal Júnisova, Gúlmıra Aqúrpekova, Jeńis Ysqaqova, Aıkerim Qalaýbaeva, Ábdihan Beskempiruly jáne basqa da óner ıeleri sazgerdiń syrǵa toly ánderin tamyljyta shyrqady. «Kaspıı» tobynyń jigitteri de án keshiniń shyraıyn keltirdi.
Osy keshti uıymdastyrǵan Qazaqstan Jastar odaǵy syılyǵynyń ıegeri, tanymal kompozıtor Qaldybek Qurmanáli ekenin aıta ketken jón.
