Shámshi Qaldaıaqovtyń 80 jyldyq mereıtoıyna arnalǵan «Shámshi - qazaq valsiniń patshasy» atty ádebı-mýzykalyq kesh ótedi
ASTANA. Qyrkúıektiń 23-i. QazAqparat. Qazaqstan Respýblıkasy Prezıdenttik mádenıet ortalyǵy kitaphanasynda 2010 jyldyń 24 qyrkúıek kúni saǵat 15.00-de Qazaqstannyń halyq ártisi, uly sazger, ánshi Shámshi Qaldaıaqovtyń 80 jyldyq mereıtoıyna arnalǵan «Shámshi - qazaq valsiniń patshasy» atty ádebı-mýzykalyq keshi ótedi.
Uıymdastyrylyp otyrǵan sharanyń maqsaty: óskeleń urpaqty Shámshi tvorchestvasymen tanystyrý, Shámshi ánderiniń máńgilik ekendigin nasıhattaý.
Kesh barysynda Shámshi Qaldaıaqovtyń dúnıege kelgeni týraly, nege Shámshi atanǵany týraly qysqasha kórinis kórsetiledi. Sondaı-aq Astana qalasy №2 óner mektebi oqýshylarynyń oryndaýynda Shámshiniń «Otyrardaǵy toı», «Baldyrǵan», «Án aǵa» ánderi,Kaýmenov Dosannyń oryndaýynda «Ana týraly jyr», Sapa Qaıyrjanqyzynyń oryndaýynda «Arys jaǵasynda», Abıtova Bıbigúldiń oryndaýynda «Aq mańdaılym» ánderi oryndalsa, Ospanov Erbol «Keshikpeı kelem dep eń», Taıjanov Azamat «Aq bantık» ánderin oryndaıdy.
«Shámshi - qazaq valsiniń patshasy» atty Shámshi Qaldaıaqovtyń ómirbaıanyna baılanysty estelikter, shyǵarmalar jınaǵy jaıly kitap kórmesi uıymdastyrylady.
Bul sharaǵa Astana qalasy №2 óner mektebiniń oqýshylary, QR Prezıdenttik mádenıet ortalyǵy qyzmetkerleri, qala qonaqtary men turǵyndary qatysady.
