«Shámshi Qaldaıaqov» medali taǵaıyndalady
ASTANA. KAZINFORM — Prezıdent Qasym-Jomart Toqaev memlekettik nagradalar tizimine «Shámshi Qaldaıaqov» medali men «Qazaqstannyń eńbek sińirgen sýretshisi» qurmetti ataǵyn engizý týraly sheshim qabyldady. Bul týraly Prezıdenttiń keńesshisi – Baspasóz hatshysy Aıbek Smadııarov jazdy.
— Mádenıet pen óner — ulttyq biregeıligimizdiń myzǵymas tiregi. Sondyqtan jańa Ata zańda tól mádenıetimizdi jan-jaqty qoldaý memlekettiń konstıtýtsııalyq mindeti retinde bekitildi. Osy rette Prezıdent Qasym-Jomart Toqaev memlekettik nagradalar tizimine «Shámshi Qaldaıaqov» medali men «Qazaqstannyń eńbek sińirgen sýretshisi» qurmetti ataǵyn engizý týraly sheshim qabyldady, — dep habarlady ol.
Bul mártebeli marapattar ult mádenıetine qaltqysyz qyzmet etip, sonyń ishinde mýzyka jáne beıneleý ónerin damytýǵa súbeli úles qosqan azamattarǵa beriletini habarlandy.
Aıta keteıik, jaqynda elimizde «Qurmetti donor» marapaty taǵaıyndaldy.
