Shámil Dosbol grek-rım kúresinen Azııa chempıony atandy

ASTANA. KAZINFORM – Kúres túrlerinen Iordanııanyń astanasy – Amman qalasynda ótip jatqan 17 jáne 23 jasqa deıingi sportshylar arasyndaǵy Azııa chempıonatynda qazaqstandyq balýan Shámil Dosbol jeńis tuǵyrynan kórindi.

Ulttyq olımpıadalyq komıtet atap ótkendeı, grek-rım kúresinen 60 keli salmaqta el namysyn qorǵaǵan ol eki dúrkin Azııa chempıony boldy.

Shámil Dosbol 17 jasqa deıingi sportshylarmen beldesip, Qytaı men Úndistan balýandaryn jeńip, fınalda Ózbekstannyń ókilimen teń tústi. Alaıda sońǵy nátıjeli ádisti jasaǵandyqtan jeńis qazaq sportshysyna berildi. 

Odan basqa, 92 kelidegi Ádilet Toıshy kúmis medaldi ıelense, Nurdáýlet Qumaruly (45 keli) men Edige Tóleýtaev (51 keli) qola júldege ıe boldy. 

Almat Kebispaev jattyqtyratyn grek-rım kúresinen U-17 quramasy jalpykomandalyq esepte 3-oryn ıelendi.