Shamamen 60 myń shaqyrym ushty: Qazaqstan Prezıdenti bıyl qaı elderge bardy

Sarapshylardyń basym kópshiligi Qazaqstanǵa álemdik alpaýyttardyń bárimen – AQSh, Qytaı, Eýroodaq jáne Reseımen jaqsy ózara qarym-qatynasty ustanýy mańyzdy dep sanaıdy.

Prezıdent ulyqtaý rásiminen keıingi 1 jyldyń ishinde olardyń bárine baryp shyqty. Osy oraıda Tengrinews.kz redaktsııasy Qasym-Jomart Toqaevtyń 7 jyldyq merziminiń alǵashqy jylyndaǵy saparlary jaıly jazdy, dep habarlaıdy Kazinform.

Qazaqstan túrki áleminiń bólshegi ári Túrki memleketteri uıymy kóshbasshylarynyń biri sanalady. Qasym-Jomart Toqaev iri óńirlik derjavaǵa aınalǵan Túrkııaǵa eki ret bardy. Órkendep kele jatqan ıslam álemi elimiz úshin taǵy bir basymdyq. Prezıdent iri halyqaralyq ınvestor sanalatyn Saýd Arabııasy men Birikken Arab Ámirlikterine sapar jasap úlgerdi.

Prezıdent sonymen qatar kórshilerdi de esten shyǵarmaıdy. Osy jyldyń ishinde Túrikmenstandy qospaǵanda barlyq Ortalyq Azııa elderine saparlady.

Qasym-Jomart Toqaev 19 sapary barysynda 60 myń shaqyrymǵa jýyq ushty. Bul Jer sharyn ekvator boımen 1,5 ese aınalyp ótkenmen teń. Sonymen qatar bul 1 aıdan astam ýaqyt boıy jolda júrý, únemi saǵat beldeýiniń aýysýy jáne Qazaqstannyń múddesin nyq qorǵaý qajetti ondaǵan kezdesýler de.

Ótken ýaqyttaǵylarǵa qaraǵanda bul saparlar ózara sıpatqa ıe. Bul elimizdiń halyqaralyq jáne Prezıdent Qasym-Jomart Toqaevtyń jeke bedeliniń moıyndalýyn bildiredi.

Redaktsııa suraý salǵan sarapshylar bul saparlardyń birneshe nátıjesin atap ótti.

Birinshiden, bul – elimizdiń qaýipsizdiginiń nyǵaıýy. Qazaqstan qazirgi ýaqytta geosaıası teke-tireste turǵan eldermen dostyq nemese seriktestik qarym-qatynasty ustanady. AQSh-pen Eýroodaq ta, Qytaı men Reseı de elimizben turaqty sası, ekonomıkalyq jáne mádenı yntymaqtastyqqa múddeli. Bul belsendi kópvektorly saıasattyń nátıjesi. Sonyń arqasynda qazaqstandyqtardyń tóbesinde beıbit aspan saqtalyp otyr.

Ekinshiden, halyqaralyq naryqtaǵy kúrdeli jaǵdaıda Qazaqstan sheteldik ınvestorlardy tartýda.

Resmı derekterge sáıkes, 2022-2023 jyldary elimizge 41,3 mlrd dollar tikeleı shetel ınvestıtsııasy tartyldy. Máselen, Prezıdenttiń Qytaıǵa sońǵy sapary barysynda 16,5 mlrd dollardyń kelisimsharty jasaldy. Álemdik naryqtaǵy kúrdeli jaǵdaıǵa qaramastan Qazaqstannyń ekonomıkasy da, el halqy da ósip kele jatyr.

Úshinshiden, elimizdiń kólik-logıstıkalyq áleýeti keńeıip keledi. Tórtinshiden, azamattarymyzdyń shetelde bilim alý múmkindigikteri artyp keledi. Sheteldik jetekshi joǵary oqý oryndarynyń fılaldary Qazaqstanda ashylyp jatyr.