Shamalǵandaǵy apat: ІІM oqıǵany tergep jatyr
ALMATY OBLYSY. QazAqparat – Shamalǵandaǵy oqıǵaǵa baılanysty sotqa deıingi tergeý amaldary bastaldy. Bul týraly QazAqparat QR ІІM baspasóz qyzmetine silteme jasap habarlaıdy.
«Atalǵan derekke qatysty QR Qylmystyq kodeksi 344-babynyń 2-tarmaǵyna sáıkes sotqa deıingi tergeý amaldary bastaldy. Oryn alǵan jaǵdaıdyń sebebi men mán-jaıyn anyqtaý maqsatynda QR ІІM men QR IIDM qyzmetkerleri esebinen komıssııa qurylyp, oqıǵa ornyna jiberildi», - delingen habarlamada.
Eske sala keteıik, buǵan deıin Almaty oblysynda jolaýshylar poıyzy men avtobýs soqtyǵysqanyn habarlaǵan bolatynbyz. Prezıdent japa shekkenderdiń týǵan-týystaryna kóńil aıtty.