Shamalǵandaǵy apat: Avtobýsta 67 adam bolǵan

ALMATY OBLYSY. QazAqparat – Shamalǵan ótkelinde poıyzǵa soǵyzǵan avtobýsta 67 adam bolǵan. Bul týraly QazAqparat oblysy ákiminiń baspasóz qyzmetine silteme jasap habarlaıdy.

«Avtobýsta jalpy sany 67 adam bolǵan. Soqtyǵysý oqıǵasy boıynsha qylmystyq is qozǵaldy», - delingen habarlamada.

Esterińizge sala keteıik, 15 qyrkúıek kúni Shamalǵan stantsııasynda poıyz ben avtobýs soqtyǵysty. Aldyn-ala boljam boıynsha, jolaýshylar avtobýsy temir joldyń relsine shyǵyp ketken. Oqıǵa ornynda avtobýs júrgizýshisi mert bolyp, taǵy 3 adam Qarasaı aýdandyq aýrýhanasynyń jansaqtaý bóliminde jatyr. Onyń ekeýi bala. Qazir atalǵan fakti boıynsha QR QK 345-babynyń 3-tarmaǵy boıynsha is qozǵalyp, tergeý júrip jatyr. Іstiń tergelýin Bas kóliktik prokýratýra óz baqylaýyna aldy. QR Prezıdenti Qasym-Jomart Toqaev poezd ben avtobýs soqtyǵysynan japa shekkenderdiń týǵan-týystaryna kóńil aıtty.