Shamalǵanda zardap shekkender Almatynyń aýrýhanasyna aýystyryldy

TALDYQORǴAN. QazAqparat - Almaty oblysynda poıyz ben avtobýstyń soqtyǵysýynan zardap shekken úsh adam Qarasaı aýdandyq aýrýhanasynan Almatyǵa aýystyryldy, dep habarlaıdy QazAqparat tilshisi.

«Shamalǵan stansasyndaǵy jol apatynan jaraqat alǵan balalar Almaty qalasynyń №1 aýrýhanasyna, anasy №7 aýrýhanaǵa jetkizildi», - dedi Almaty oblysy ákiminiń baspasóz qyzmetiniń hatshysy Ǵalymurat Júkel.

Aıta keterligi, buǵan deıin Amandyq Batalov Shamalǵandaǵy apattan zardap shekkenderge Almatydan arnaıy dárigerler shaqyrǵanyn málim etken edi.

Esterińizge sala keteıik, 15 qyrkúıek kúni Shamalǵan stantsııasynda poıyz ben avtobýs soqtyǵysty. Oqıǵa ornynda avtobýs júrgizýshisi mert bolyp, taǵy 3 adam Qarasaı aýdandyq aýrýhanasynyń jansaqtaý bólimine tústi. Atalǵan fakti boıynsha QR QK 345-babynyń 3-tarmaǵy boıynsha is qozǵalyp, tergeý júrgizilip jatyr. Іstiń tergelýin Bas kóliktik prokýratýra baqylaýyna aldy.

QR Prezıdenti Qasym-Jomart Toqaev poıyz ben avtobýs soqtyǵysynan zardap shekkenderdiń týǵan-týystaryna kóńil aıtty.