Shamalǵanda kólik kópirden ushyp ketip, eki adam mert boldy
ALMATY. QazAqparat - Almaty oblysy Shamalǵan stansasy mańyndaǵy kópirden kólik ushyp ketti, adam shyǵyny bar, dep habarlaıdy QazAqparat tilshisi.
«Jol-kólik oqıǵasy tańerteń 9:30 -da Qarasaı aýdanynda tirkeldi. Oqıǵa ornynda polıtsııa qyzmetkerleri jumys isteýde. Jol apaty saldarynan 1982 jáne 1988 jylǵy eki azamat qaza tapty. Bul oqıǵaǵa qatysty is boıynsha QR Qylmystyq kodeksiniń 345-babynyń 4-bóliginde qarastyrylǵan qajetti saraptamalardy taǵaıyndaý arqyly sotqa deıingi tergeý bastaldy»,- dep habarlady Almaty oblysynyń polıtsııa departamentinen.
Oqys oqıǵanyń vıdeosy Instagramdaǵy kris_p_kz paraqshasynda paıda boldy.
