Shamalǵanda 38 jastaǵy turǵyn áıeliniń sińlisine pyshaq suǵyp alǵan
TALDYQORǴAN. QazAqparat - Almaty oblysynda 38 jastaǵy turǵyn áıeliniń sińlisine pyshaq jaraqatyn saldy. Jábirlenýshi aýrýhanaǵa tústi, dep habarlaıdy QazAqparat tilshisi.
Almaty oblystyq polıtsııa departamenti baspasóz qyzmetiniń málimetinshe, oqıǵa Qarasaı aýdanynyń Shamalǵan aýylynda túngi saǵat eki shamasynda bolǵan.
«17 tamyz kúni túngi saǵat 02:15 shamasynda 38 jastaǵy turǵyn otbasylyq janjal kezinde áıeliniń sińlisine pyshaq jaraqatyn salǵan. 19 jastaǵy jábirlenýshi aýyr dene jaraqatymen aýrýhanaǵa tústi. Atalǵan faktige sáıkes QR QK 106-babynyń 1-tarmaǵy ıaǵnı, densaýlyqqa qasaqana aýyr dene jaraqatyn keltirý boıynsha is qozǵaldy. Kúdikti ustalǵan kúni qamaýǵa alyndy. Biraq 18 qyrkúıek kúni tergeý sotynyń sheshimimen qamaý úıqamaqqa ózgertildi»,- delingen vedomstvonyń habarlamasynda.
Qazir tergeý júrip jatyr.
