Shamalǵan stansasynda júrginshiler kópiriniń qurylysy bastaldy

TALDYQORǴAN. QazAqparat - Almaty oblysynyń Qarasaı aýdanyna qarasty Shamalǵan stansasynda aspaly júrginshiler kópiriniń qurylysy bastaldy, dep habarlaıdy QazAqparat tilshisi.

«Amandyq Batalov Qarasaı aýdanynyń Shamalǵan stansasyndaǵy temirjol ótkeline oblys bıýdjetinen qarjy bólip, jaıaý júrginshilerge arnalǵan aspaly kópir salamyz degen edi. Búgin sol ótkeldiń qurylysy bastaldy. Jumys keler jyldyń mamyrynda aıaqtalady. Aspaly kópirde múmkindigi shekteýli jandarǵa arnalǵan lıft qarastyrylǵan», - dedi Almaty oblysy ákiminiń baspasóz hatshysy Ǵalymurat Júkel.

Aıta keteıik, kópirdiń qurylysyna oblystyq bıýdjetten 300 mln teńgeden astam qarjy bólingen.

Esterińizge sala keteıik, 15 qyrkúıek kúni Shamalǵan stansasynda poıyz relste turyp qalǵan avtobýsty kelip soqqan eli. Apattan avtobýs júrgizýshisi mert bolyp, taǵy 3 adam zardap shekti.

Atalǵan faktige sáıkes QR QK 345-babynyń 3-tarmaǵy boıynsha is qozǵalyp, tergeý júrip jatyr. Іstiń tergelýin Bas kóliktik prokýratýra baqylaýyna aldy.