Shamalǵan stantsııasyndaǵy aınalma jol qashan salynyp bitedi

QONAEV. QazAqparat – Almaty oblysyndaǵy Shamalǵan stantsııasy aınalma jolynyń qurylysy 70 paıyzǵa aıaqtalǵan. Óńirge issapary barysynda qurylys barysymen tanysqan Kólik mınıstri Marat Qarabaev jumysty jyl sońyna deıin aıaqtaýdy tapsyrdy, dep habarlaıdy QazAqparat vedomstvo saıtyna silteme jasap.

Shamalǵan stantsııasyndaǵy aınalma joldyń uzyndyǵy – 6 shaqyrym. Qazirgi ýaqytta jobanyń 70%-dan astamy iske asyrylǵan. Joldyń tómengi qabaty boıynsha 3 km jáne joǵarǵy qabattyń 2 shaqyrymy tóselgen, estakada men 2 kópirdiń qurylysy aıaqtalýǵa jaqyn.

Jol ýchaskesin 2022 jyly paıdalanýǵa berý josparlanǵan bolatyn. Osy oraıda, mınıstr jobany osy jyldyń sońyna deıin aıaqtaýdy tapsyrdy.

«Bul ýchaske Shamalǵan stantsııasyndaǵy kólik aǵynyn tómendetýge yqpal etip, keptelisti azaıtýǵa jáne ekologııalyq jaǵdaıǵa oń áser etedi. Qazirgi tańda kólik qozǵalysy uzyndyǵy 9 km avtojoldyń eski ýchaskesi boıynsha júzege asyrylyp otyr. Merdigerlerdiń aldyna jyldyń sońyna deıin Shamalǵan boıynsha jol qozǵalysyn qamtamasyz etý mindeti qoıyldy», - dep atap ótti mınıstrlik basshysy.

Sondaı-aq, búgin Marat Qarabaev «Saryózek-Kóktal» (45-68 km) avtojolynyń ýchaskesinde júrip jatqan kúrdeli jóndeý jumystaryn baǵamdap, «Qorǵas» qurǵaq portynyń jumysymen tanysty.