Shamalǵan beketiniń aınalma jolynda jer tósemin tógý jumysy 80% aıaqtaldy - QazAvtoJol
ALMATY. QazAqparat - Shamalǵan beketiniń aınalma jolynda qurylys jumystary qyzý júrýde, dep habarlaıdy QazAqparat tilshisi «QazAvtoJol» UK baspasóz qyzmetine silteme jasap.
Kompanııa málimetinshe, Shamalǵan beketiniń aınalma joly nysanynda merdiger uıym qurylys-montajdaý jumystaryn qarqyndy júrgizýde.
Búginde temirjol men avtojoldardyń ústinen ótetin kópirlerdiń qurylysy jalǵasýda. Qurylys jumystaryna 55 birlik arnaıy tehnıka men 250-ge jýyq adam jumyldyrylǵan.
«Jer tósemin tógý jumystary 80%-ǵa aıaqtalyp, 140 dana arqalyq quralymdyq bólshekter ornatyldy (barlyǵy 174 dana).
Sondaı-aq, jobada 3 jol ótpesi (kópirler) men 20 sý ótkizý qubyrynyń qurylysy qarastyrylǵan. Búgingi tańda kópirlerdiń qurylysy 79%-ǵa, al sý ótkizý qubyrlary 85%-ǵa aıaqtaldy.
Temirbeton buıymdary men ınertti materıaldardy daıyndaý jumystary jalǵasyp jatyr»,- delinedi kompanııa habarlamasynda.
Sonymen birge, «QazAvtoJol» UK qurylysqa qajet jer ýchaskelerin qoldanysqa alý boıynsha Almaty oblysynyń ákimdigimen birlesip jumystar júrgizip jatqanyn habarlady.
Foto: qaj.kz
