Shalqarda kópqabatty úı órtenip, bir adamnyń denesi tabyldy
AQTÓBE. QazAqparat – Aqtóbeniń Shalqar qalasynda 3 qabatty úı órtendi. 12 adam qutqarylyp, 38 jastaǵy er adamnyń múrdesi tabyldy, dep habarlaıdy QazAqparat tilshisi.
Búgin saǵat 01:27 kezinde Shalqar aýdanynyń №7 órt sóndirý bólimine Shalqar qalasy, Shoıǵarın kóshesindegi kóppáterli úıden órt shyqqany týraly habarlama tústi.
Birinshi qabattan bastalǵan órt 2 jáne 3-qabatty sharpydy.
Úıdiń kireberisindegi tútinge qaramastan, órt sóndirýshiler turǵyndardy qutqarýǵa jáne evakýatsııalaýǵa jedel kiristi.
«Oqıǵa ornyna órt sóndirý qyzmetinen 4 tehnıka men 12 adam jiberildi. TJD kúshimen úsh ıindi baspaldaq arqyly 12 adam qutqaryldy, onyń 4-eýi bala. 1996 jyly týǵan №15 páter turǵyny ýlanyp, aýrýhanaǵa jatqyzyldy. Al arada 1 saǵat ótkende órt tolyq sóndirilip, 38 jastaǵy er er adamnyń máıiti tabyldy. Órttiń shyǵý sebebi men shyǵyny anyqtalyp jatyr», - dep habarlady oblystyq TJD baspasóz qyzmeti.
