Shalqar jol dıstantsııasynyń basshysy 36 mln teńge aıyppul tóleıdi

NUR-SULTAN. QazAqparat – Para alǵanAqtóbe oblysy Shalqar jol dıstantsııasynyń basshysy para alǵany úshin sottaldy. Bul týraly QazAqparat Sybaılas jemqorlyqqa qarsy qyzmet agenttiginiń baspasóz qyzmetine silteme jasap habarlaıdy.

«QTJ» AQ fılıaly Aqtóbe magıstraldyq jeli bólimshesiniń Shalqar jol dıstantsııasynyń basshysy A.K.Karakýshıkovke qatysty sotqa deıingi tergeý júrgizildi. Ol azamattan balasyn jumysqa ornalastyrǵany úshin 1 mln 200 myń teńge kóleminde para aldy degen kúdikke ilingen. Jaqynda ótken sot sheshimimen ol aıypty bolyp tanylyp, ómir boıy memlekettik qyzmette laýazym atqarý quqyǵynan aıyryldy. Jáne 36 mln teńge aıyppul tóleý jazasy taǵaıyndaldy», - delingen habarlamada.

Eske salsaq, Shalqar jol dıstantsııasynyń basshysy jumysqa turǵyzý úshin 1,2 mln teńge para alǵany týraly buǵan deıin jazǵan bolatynbyz.