Shalqar men Qazaq radıosyn elimizdiń shalǵaı aýmaqtary tyńdaı bastaıdy
Bul týraly QR Aqparat jáne kommýnıkatsııalar mınıstri Dáýren Abaev aıtty, dep habarlaıdy QazAqparat tilshisi.
"Búginde keıbir aımaqtarda qazaqstandyq radıo arnalardyń ózi durys ustamaıdy. Ony bárimiz jaqsy bilemiz. Al kórshi elderdiń radıosy jaqsy istep tur. 2020 jylǵa deıin biz osy problemany sheship, Shalqar men Qazaq radıosyn xalyqtyń 95 paıyzyna jetkizýdi kózdeımiz. Bıyl bir-eki oblystyń máselesin sheshemiz dep oılaımyn. Ásirese, Ońtústik Qazaqstan oblysynda osy problemany sheshý kerek", - dedi Abaev qoǵamdyq keńestiń otyrysynda.
Aıta keteıik, búgin QR Aqparat jáne kommýnıkatsııalar mınıstri Dáýren Abaev qoǵamdyq keńes músheleri aldynda esep berdi. Onyń aıtýynsha, bir jyldyń ishinde biraz jumystar atqaryldy. Máselen, otandyq serıaldardyń sapasy jaqsardy. Qazirgi kezde Qazaqstanda túsirilgen serıaldardy Reseı, Qytaı men Qyrǵyzstannyń arnalary óz jerinde kórsetip jatyr.
