Shalǵaıdaǵy jurtshylyq jol shyǵyndary men qarjylyq múmkindikteriniń tómendigine baılanysty sapaly medıtsınalyq tekserýlerden óte bermeıdi - D.Nazarbaeva
ALMATY. 11 qarasha. QazAqparat /Ádilet Musahaev/ - Biz qaterli isik dertine qarsy jumyla jumys istep, onyń belgilerin aldyn-ala anyqtap, aýrýdyń beleń alyp ketýine jol bermeýimiz kerek. Bul jaıynda QR Prezıdentiniń tuńǵysh qorynyń jetekshisi Darıǵa Nazarbaeva onkologııa men radıologııa máselesine baılanysty ótip jatqan konferentsııa barysynda málim etti.
D.Nazarbaeva qaterli isik aýrýy elimizde beleń alyp otyrǵandyǵyn jáne mamandarymyzdyń onymen únemi kúresip kele jatqandyǵyn aıtyp ótti. "Qazirgi kúni memleket adamdardyń ómirin saqtap qalý úshin kóptegen ister atqarýda. Hımııalyq prıparattar satyp alynýda, aýdandyq onkologııalyq oryndar sońǵy úlgidegi qurylǵylarmen jabdyqtalyp jatyr. Bul dertke shaldyqqandar sany biz qalaǵandaı mólsherde azaımasa da, tómendeý baıqalýda", -deıdi D.Nazarbaeva.
Sonymen qatar ol aýyldyq jerdegi jurtshylyq zamanaýı medıtsınalyq tekseriske áli de qol jetkize almaı otyrǵandyǵyn jetkizdi. "Shalǵaıda jatqan jurtshylyq jol shyǵyndary men qarjylyq múmkindikteriniń tómendigine baılanysty sapaly medıtsınalyq tekserýlerden óte bermeıdi. Osy jaıtqa oraı "Asar-Bereke" qaıyrymdylyq qoryn qurdyq. Onyń maqsaty - qaladan shalǵaıda jatqan aýyldyq jerdegi adamdardy medıtsınalyq tekseristen ótkizip, aýrýlardy aldyn-ala anyqtaý", -dep atap ótti Darıǵa Nazarbaeva.
Qor óz jumysyn birneshe baǵytta júrgizedi eken. Biraq eń bastysy qozǵalmaly medıtsınalyq dıognostıkalyq keshendi ashý bolǵan. Ótken jyldyń qyrkúıeginde QR Tuńǵysh prezıdenti qorynyń demeýimen jáne Qazaqstan-Reseılik medıtsınalyq ýnıversıteti, aýmaqtyq densaýlyq saqtaý departamentterimen tyǵyz baılanys ornatý arqyly alǵashqy qozǵalmaly mashına iske qosylypty. Respýblıkadaǵy alǵashqy qozǵalmaly dıagnostıkalyq ortalyq óz jumysyn shalǵaıdaǵy balabaqsha tárbıeshilerin, múgedekterdi, UOS jáne eńbek ardagerlerin qabyldaýdan bastaǵan. Bul mashınanyń tıimdiligi sondaı, onda naýqastarǵa operatsııa jasaýǵa da bolady eken.
"Bir jyldyq jumysy barysynda mobıldi dıagnostıkalyq ortalyq 15 myńnan astam tegin emdeý júrgizip, medıtsınalyq keńes berdi. Tekserý júrgizý barysynda onkopatologııaǵa shaldyqty degen kúdikpen 58 oqıǵa tirkelip, 15-si anyqtaldy. Mashına dıagnozdy dál qoıa biletin sońǵy úlgidegi medıtsınalyq sandyq qurylǵylarmen jabdyqtalǵan", - deıdi D.Nazarbaeva. Sondaı-aq ol jaqynda taǵy bir mashınany iske qosqandyqtaryn jetkizip, jergilikti metsenattar qozǵalmaly dıagnostıkalyq ortalyqtardyń kóbeıýine atsalyssa degen tilegin bildirdi.
