Shalǵaıdaǵy stadıon 100 mln teńgege jóndeldi - Aqmola oblysy
KÓKShETAÝ. QazAqparat - Aqmola oblysynyń Jarqaıyń aýdanyndaǵy «Jastar» stadıonyna kúrdeli jóndeý jumystary júrgizildi, dep habarlaıdy QazAqparat tilshisi.
Derjavınsk qalasyndaǵy stadıonnyń qurylysy úshin «Óńirlerdi damytý-2020» memlekettik baǵdarlamasy arqyly bıýdjetten 100 mıllıon teńge bólingen. Nysan 1 500 kórermenge arnalǵan. Stadıonda fýtbol, 400 metrge júgirý, ıadro laqtyrý, voleıbol, basketbol tárizdi sport túrlerine qajetti jarys alańdary bar.
Aýdandyq deneshynyqtyrý jáne sport bóliminiń basshysy mindetin atqarýshy Azamat Baımýldınovtyń aıtýynsha jaqynda munda Aqmola oblysynyń 30-shy «Aq bıdaı» spartakıadasy ótedi dep josparlanǵan.
Jarysqa oblystyń ár óńirinen kelgen komandalar qatysyp, fýtbol, voleıbol, shahmat, doıby, ústel tennısi, jeńil atletıka, otbasylyq starttar tárizdi sporttyń 7 túri boıynsha kúsh synasatyn bolady.
