Shalǵaıdaǵy aýdandyq aýrýhanaǵa ortalyqtandyrylǵan ottegi júıesi ornatyldy - Mańǵystaý

AQTAÝ. QazAqparat – Mańǵystaýdaǵy Beıneý aýdandyq aýrýhanasynda ortalyqtandyrylǵan ottegi júıesi ornatyldy, dep habarlaıdy QazAqparat tilshisi atalmysh aýdan ákimdiginiń baspasóz qyzmetine silteme jasap.

Beıneý aýdandyq ortalyq aýrýhana dırektorynyń mindetin atqarýshy Berik Abdýllaevtyń aıtýynsha, buǵan deıin ottegi ballondaryn ár qabatta ornalasqan bólimshelerge tasıtyn.

«Buryn ballondardy ár bólimshege tasymaldaıtynbyz. Endigi kezekte barlyq ballondar arnaıy qoraptarda ornalastyrylyp, sol jerden tútiksheler arqyly bólimshelerge jetkiziledi», - dedi Berik Abdýllaev.

Sondaı-aq, aýdandyq arýhanaǵa quny 67,5 mln teńge ÝDZ apparaty satyp alyndy. Sondaı-aq eki dana ókpeni jasandy dem aldyrý apparaty, bir dana EKG apparaty, bir dana nárestelerge arnalǵan kıývez ben eki dana gemodıalız kreslosy satyp alyndy. Aldaǵy ýaqytta taǵy qosymsha qurylǵylar satyp alý josparlanyp otyr.