Shalǵaıdaǵy 12 aýyl gazdandyrylady - BQO

ORAL. QazAqparat - Batys Qazaqstan oblysynda aýyldardy taza aýyz sýmen qamtý jumysy jańa jylda da jalǵasady, dep habarlaıdy «QazAqparat» tilshisi.

BQO ekonomıka jáne bıýdjettik josparlaý basqarmasynan túsken málimetke qaraǵanda, bıyl 17 aýyz sýmen qamtý nysanyn (munyń 9-y 2017 jyldan aýysqan) salý men qaıta qurýǵa respýblıkalyq jáne jergilikti bıýdjetten 2,9 mlrd teńge qaraldy. Bul jobalar júzege asqanda, 29 eldi mekenge taza sý jetkiziletin bolady.

Sol sekildi shalǵaıdaǵy Bókeı ordasy men Jánibek aýdandaryndaǵy 12 aýyldy gazdandyrý jumystaryn jalǵastyrýǵa 1,4 mlrd teńge bólindi.

Aıta keteıik, 2017 jyly óńirde 39 sýmen qamtý nysanyn salýǵa 9,0 mlrd, al gazdandyrý jumystaryna 3,4 mlrd teńge qarastyrylǵan bolatyn. Sonyń nátıjesinde 12 aýdannyń alpystan astam eldi mekeni taza sý, alty aýdannyń 35 aýyly «kógildir otynmen» qamtyldy.