Shalǵaı ornalasqan razezderde jumys isteıtin temirjolshylar úshin arnaıy úı-jaı satyp alynady

ASTANA. QazAqparat – Shalǵaı ornalasqan razezderdegi temirjolshylarǵa arnap, bloktan yńǵaıly úı-jaılar salynady, dep habarlaıdy QazAqparat «Qazaqstan temir joly» UK» aktsıonerlik qoǵamynyń baspasóz qyzmetine silteme jasap.

Jelilik kásiporyndardyń ónerkásip qyzmetkerleriniń talapqa saı demalýyn qamtamasyz etý kompanııanyń basymdyqqa ıe máseleleriniń biri bolyp qala beredi.

Vahtalyq brıgadalar turatyn qoldanystaǵy modýldik úılerdi jańartý jumystary aıasynda 534 bloktan jasalǵan yńǵaıly úı-jaı satyp alý kózdelip otyr. Olar negizinen eldi mekenderden shalǵaı jatqan razezder men stantsııalarǵa ornatylady.

Bloktan jasalǵan yńǵaıly úı-jaılar (aýa baptaǵysh, sý jylytqysh, elektrli plıta jáne t.b.) tamaqtaný men demalýǵa arnalǵan jıhazdar, ydys-aıaq, kórpe-tósek sııaqty barlyq qajettiliktermen qamtylady.