Shalǵaı aýyldardaǵy 67 myń adam bilikti dárigerlerdiń tekserýinen ótti
Saltanatty keshte sóz alǵan QR Densaýlyq saqtaý mınıstri Eljan Birtanov uıymdastyrýshylarǵa halyqtyq medıtsınalyq kómekti damytýǵa qoldaý kórsetkeni úshin alǵysyn bildirdi. Úzdik dárigerler alǵys hattarmen jáne aqshalaı sertıfıkattarmen marapattaldy.
«Medıtsınalyq poıyz zamanaýı dıagnostıkalyq jabdyqtarmen: zerthanamen, rentgenmen, flıýorografııamen, EKG, ÝDZ, FGDS, ÝDDG bar. Shalǵaı aımaqtardyń aýyl turǵyndary zamanaýı medıtsınalyq jabdyqtardyń keń spektrin qoldana otyryp, bilikti mamandardyń mýltıtártiptik komandasynan tegin tekserýden ótti», - dedi mınıstr.
Aıta ketý kerek, medıtsınalyq poıyz ishindegi mamandar 67 myń 540 turǵynda tekserdi, onyń 11 myń 256-sy bala. Sondaı-aq 41 myń 941 dıagnostıkalyq emshara, 4 myń 119 shaǵyn hırýrgııalyq operatsııa jasaldy, 10 myń 667 áıel mammologııalyq tekserýden ótti, 19 myń 068 turǵynǵa stomatologııalyq kómek kórsetildi.