Shalǵaı aýyldarda turatyn 1,8 mln halyq bilikti dárigerlerdiń kómegine júgindi

NUR-SULTAN. QazAqparat - Qazaqstanda 2542 shalǵaı aýyldyń 1,8 mln turǵyny jyljymaly medıtsınalyq keshen qyzmetterimen qamtyldy, dep habarlaıdy QazAqparat.

Prezıdent tapsyrmalaryn oryndaý sheńberinde QR Densaýlyq saqtaý mınıstrligi shalǵaı aýyldarda turatyn halyqqa medıtsınalyq qyzmetterdi usyný jáne qoljetimdilikti qamtamasyz etý boıynsha jumys júrgizip jatyr.

Negizgi elementterdiń biri - kólik medıtsınasyn engizý jáne damytý. Qazirgi tańda jyljymaly medıtsınalyq keshen sany - 149.

2021 jyly JMK medıtsınalyq qyzmetterimen 2542 shalǵaı aýyldyń 1,8 mln turǵyny qamtyldy, onyń ishinde 413 853 bala, 2020 jylmen salystyrǵanda qamtý 1,8 ese artty.

Dıagnostıkalyq zertteý sany 4,3 esege artty, ıaǵnı, 870 myńǵa jýyǵy ótkizildi.

Júrgizilgen zerthanalyq zertteý sany úsh esege jýyq artyp, olardyń sany 542 myńnan asty.

Aýyl turǵyndary 2021 jyly beıindi mamandardyń konsýltatsııasyn 3,1 ese artyq aldy. Olardyń sany 2021 jyly 1 448 600 qurady.

Kórsetilgen qyzmetterdiń nátıjesi boıynsha 132 070 naýqas, onyń ishinde 14 630 nemese 11% qant dıabetimen aýyratyny, 812 nemese 0,6% glaýkomamen, 8 850 nemese 6,7% qan aınalymy júıesi aýrýlarymen aýyratyny, 58 nemese 0,04% áıelderde sút bezi qaterli isigi jáne basqa da ınfektsııalyq emes aýrýlar bar ekeni anyqtaldy.

Anyqtalǵan naýqastardyń 17% (22 557 adam) MSAK mamandarynyń dınamıkalyq baqylaýyna alyndy, onyń ishinde 8 806 bala (6,7%) bar.