Shalǵaı aýyldarda mektep taýaryn arzanǵa satatyn avtodúkender uıymdastyrý qajet – Álıhan Saıylov

NUR-SULTAN. QazAqparat – Úkimet basshysy Álıhan Smaıylov shalǵaı aýyldarda mektep taýaryn arzanǵa satatyn avtodúkender uıymdastyrýdy tapsyrdy, dep habarlaıdy QazAqparat tilshisi.

«Óńir ákimdikteri kómekke muqtaj balalardy memlekettik qoldaý sharalarymen 100% qamtamasyz etýi qajet. Mektep taýarlaryn tómen baǵamen satý úshin mektep jármeńkelerin jáne shalǵaı aýyldarǵa shyǵatyn avtodúkenderdi uıymdastyrý qajet. Saýda mınıstrligi «Atameken» palatasymen jáne ákimdiktermen birlesip, mektepke qajetti kerek-jaraqtar baǵalarynyń turaqty bolýyn qamtamasyz etsin», - dedi Álıhan Smaıylov.

Sondaı-aq, ol Indýstrııa jáne ınfraqurylymdyq damý mınıstrligine «Atameken» palatasymen birlesip, mektep formasynyń qunyna qatysty máseleni pysyqtaý krektigin aıtty.

«Básekelestikti qorǵaý jáne damytý agenttigi osy máselelerdi baqylaýǵa alsyn. Óńir ákimdikteri mektepterge oqýlyqtardyń qajetti sanyn jetkizýdi qamtamasyz etsin», - dedi Premer-Mınıstr.