Shalǵaı aýyldarda 20 myńnan astam oqýshy shtattyq rejımde oqyp jatyr
NUR-SULTAN. QazAqparat – QR Premer-Mınıstri Asqar Mamın karantındegi bilim berý jaǵdaılary týraly aıtyp berdi, dep habarlaıdy QazAqparat.
«2020 jyldyń 6 sáýirinen bastap, barlyq orta bilim berý uıymdarynda oqýshylar qashyqtan oqytyla bastady. Respýblıka boıynsha 7 337 mektepte 3,3 mln oqýshy bilim alady. Bilim jáne ǵylym mınıstriniń 2020 jylǵy 1 sáýirdegi № 123 buıryǵymen tórtinshi toqsandaǵy bilim berý protsesiniń negizgi baǵyttary anyqtaldy jáne sabaq ótkizý boıynsha usynymdar berilgen», - dep jazdy Premer-Mınıstr depýtattyq saýalǵa bergen jaýabynda.
Onyń aıtýynsha, BAQ, ınternet-resýrstar jáne áleýmettik jeliler arqyly oqytýdyń jańa tásilderin túsindirý jumystary júıeli negizde júrgizilip keledi, ol úshin arnaıy sall-tsentr iske qosylǵan.
Qashyqtan oqytý kelesi baǵyttar boıynsha júrgiziledi:
- Teledıdar arqyly 1 mln astam oqýshy bilim alýda. Beınesabaq translıatsııasy qazaq jáne orys tilderinde «Balapan» men «El Arna» telearnalarynda kórsetedi. Ol úshin 3 myńnan astam telesabaq túsirilgen.
- Internet-platformalardy 2,4 mln oqýshy paıdalanady. Daryn.online, Bilimal.kz, i-mektep.kz, mektep.kz ınternet-resýrstarynda qazaq-orys tilderinde beınesabaqtar qoljetimdi. «KKKundelik.kz», «BBBilimal.kz», «MMMektep.kz» elektrondy jýrnaldary arqyly keri baılanys jasaýǵa bolady.
- «KAZPOST» qyzmetteri arqyly: «Qazposhta» arqyly tapsyrmalar men qosymsha materıaldar mektebi men ınterneti joq eldimekenderde turatyn 1666 oqýshyǵa jiberiledi.
- Radıoarna arqyly: «QAZAQ RADIOSY» tolqynynda radıosabaqtar oqylady.
Sonymen birge, A. Mamın shalǵaı aýyldardaǵy mekteptiń qalypty rejımde jumys istep turǵanyn jetkizdi.
«Shamamen 5-80 aralyǵynda oqýshysy bar shalǵaıdaǵy 433 mektepte 20 690 bala dástúrli túrde bilim alyp jatyr. Onda barlyq sanıtarlyq-epıdemıologııalyq normalar saqtalady, aýysym, jeldetý, kvartsteý men dezınfektsııalaý jumystary júrgiziledi», - deıdi Premer-Mınıstr.
