Shalǵaı aýylda órt sóndirý beketi quryldy - Jambyl oblysy
TARAZ. QazAqparat – Jambyl oblysyndaǵy Merke aýdanyna qarasty aýylda órt sóndirý beketi quryldy, dep habarlaıdy QazAqparat tilshisi.
Andas Batyr aýylynan ashylǵan órt sóndirý beketi alty shtattyq qyzmetkermen jasaqtalǵan. Onyń ishinde 3 júrgizýshi jáne 3 órt sóndirýshi bar.
Órt sóndirý beketi Andas Batyr aýyldyq okrýgi ákimdigi apparatynyń ǵımaratynda ornalasqan, onda demalý bólmesi, telefon baılanysymen qamtamasyz etilgen dıspetcherlik bólme jáne órt sóndirý avtomobıline arnalǵan jyly boks bar.
Aıta keteıik, beket qyzmetkerleri órtti sóndirip qana qoımaı, olardyń jaýapkershilik aımaǵynda bolyp jatqan basqa da tótenshe jaǵdaılardy joıýǵa qatysady. Qıyn jaǵdaıǵa tap bolǵan halyqqa kómek kórsetedi, sondaı-aq aldyn alý jumystarymen aınalysady. Órt sóndirý beketiniń jaýapkershilik aımaǵynda 8 myńnan astam turǵyny bar 7 eldi meken ornalasqan.
