Shalǵaı aýdannan Insýlt ortalyǵy ashyldy
ShYMKENT. QazAqparat - Ońtústik Qazaqstan oblysynyń shalǵaı aýdanynan Kompıýterlik tomografııa jáne ınsýlt ortalyǵy ashyldy. Endi Maqtaral aýdanynyń turǵyndary oblys ortalyǵyna barmaı-aq densaýlyqtaryn tekserte alady, dep habarlaıdy QazAqparat tilshisi.
360 myń turǵyny bar Maqtaral aýdanynda júrek-qan tamyr aýrýlary men ınsýltten zardap shekkender qatary artyp otyr. Jańadan ashylǵan medıtsınalyq ortalyq endi atalmysh dertterdiń aldyn alý maqsatynda ult josparyndaǵy mindetterdi iske asyrmaq. Maqtaly aýdanynyń ortalyq aýrýhanasy janynan ashylǵan ortalyqtyń joǵary tehnologııalyq tekserý múmkindigi bar. Ozyq úlgidegi medıtsınalyq qurylǵyny alý úshin respýblıkalyq bıýdjetten 360 mıllıon teńge bólindi. Bul sý jańa medıtsınalyq tehnologııa bas, mı, ishki aǵzalar men búkil súıek júıesin zerttep, qan tamyrlary aýrýlaryn anyqtaı alady.
Jańadan ashylǵan ortalyqqa Almaty qalasynda arnaıy daıyndyq kýrsyn bitirip kelgen 5 maman bekitildi. Ortalyqta medıtsına qyzmetkerleriniń qalypty jumys isteýine barlyq jaǵdaı jasalǵan.
Aıta ketý kerek, aýdanda aldaǵy ýaqytta 7 medıtsınalyq beketti iske qosý josparda bar. 11 feldsherlik-akýsherlik pýnkt te el ıgiligine qyzmet etetin bolady.
