Shalabaı stansasyna poıyzdar toqtaı bastady
ASTANA. 22 tamyz. QazAqparat - 2012 jylǵy tamyzdyń 20-ynan bastap №351/352 Almaty -2 - Zaşıta baǵytyndaǵy jolaýshylar poıyzy Shyǵys Qazaqstan oblysyndaǵy Shalabaı stansasyna aıaldaıtyn boldy.
QR Kólik jáne kommýnıkatsııa mınıstrliginiń málimetinshe, Shalabaı stantsııasy № 351/352 jolaýshylar poıyzy ǵana júretin Shar-Óskemen temirjol magıstrali boıynda ornalasqan. Bunyń aldynda jolaýshylar poıyzy atalǵan stantsııaǵa temirjol ınfraqurylymynyń tıisti standart talaptaryna sáıkes kelmeýine oraı aıaldamaıtyn. Poıyzǵa otyrý úshin jergilikti turǵyndar jaqyn jerde ornalasqan (60 km) temirjol stansasyna deıin birneshe shaqyrym júrip baratyn. Qazirgi kúni bul másele ońtaıly sheshilip otyr.
Búgingi kúni Poıyz qozǵalysynyń kestesine ózgerister engizildi. Jańa stantsııada poıyz úsh mınýt, al Óskemennen Almaty -2 baǵdarynda eki mınýt turady.
