Shala týǵan sábılerge alǵash ret lazerlik ota jasaldy
QYZYLORDA. KAZINFORM – Qyzylorda oblystyq perınataldyq ortalyǵynda shala týǵan nárestelerdiń retınopatııasy dıagnozy boıynsha alǵash ret eki sábıge lazerlik koagýlıatsııa otasy jasaldy.
Kúrdeli otalardy medıtsına ǵylymdarynyń kandıdaty, Qazaq ulttyq kóz aýrýlary ǵylymı-zertteý ınstıtýtynyń joǵary sanatty oftalmolog-dárigeri, «Álemdi kóremin» jobasynyń jetekshisi Ásel Sháripova júrgizdi.
- Salmaǵy nebári 506 jáne 715 gramm nárestelerge jasalǵan ota patsıenıterdiń kórý qabiletin saqtap qalýǵa baǵyttalǵan. Lazerlik koagýlıatsııa – shala týǵan nárestelerdiń retınopatııasyn emdeýde qoldanylatyn ádisterdiń biri. Bul tásil aýrýdyń asqyný qaýpin tómendetedi, - delingen ortalyq habarlamasynda.
Óńirde alǵash ret jasalǵan mundaı otalar shala týǵan nárestelerge kórsetiletin mamandandyrylǵan medıtsınalyq kómektiń múmkindigin jańa deńgeıge kóteredi.
Buǵan deıin biz SQO-daǵy aýdandyq aýrýhanada kúrdeli kardıologııalyq otalar jasalatynyn jazdyq.
