Shala týǵan náreste tikushaqpen Ekibastuzdan Pavlodarǵa jetkizildi
PAVLODAR. QazAqparat - Júktiliktiń 31-aptasynda týǵan shaqalaq oblystyq perınataldyq ortalyqqa jetkizildi, dep habarlaıdy QazAqparat Pavlodarnews.kz saıtyna silteme jasap.
Oblystyq jedel járdem stantsııasynyń baspasóz qyzmetiniń málimetinshe, shala týǵan náresteni sanıtarlyq avıatsııa kómegimen jetkizý týraly ótinish 31 jeltoqsanda túngi saǵat 04:30-da kelip tústi. Balanyń tynys alýy qıyndap, týmasynan pnevmonııaǵa shaldyqqany anyqtaldy.
Oblys ortalyǵynan neonataldy brıgada jetkizildi. Bir saǵat ishinde sábıdiń jaǵdaıy turaqtandyrylyp, sodan soń Pavlodarǵa jetkizildi. Saǵat 11:00-de náreste perınataldy ortalyq mamandarynyń qolyna berildi.
