Shala týǵan náreste shalǵaı aýyldan Óskemenge tikushaqpen jetkizildi
ÓSKEMEN. ShQO-nyń shalǵaı aýylynynan jas náreste tikushaq arqyly Óskemenge jetkizildi, dep habarlaıdy QazAqparat tilshisi.
Katonqaraǵaı aýylynda shala týǵan náresteni shuǵyl túrde Óskemenge jetkizý qajet bolǵan. QR ІІM Tótenshe jaǵdaılar komıtetine tıesili «Qazavıaqutqarý» mekemesiniń Evrokopter-027 tikushaǵy sábıdi keshe oblys ortalyǵyndaǵy «Ana men bala ortalyǵyna» jetkizdi.
«Náreste óte aýyr jaǵdaıda dúnıege keldi. Bekitilgen talap boıynsha ondaı balalardy sanıtarlyq avıatsııamen ortalyqqa jetkizýge mindettimiz. Tikushaq der kezinde kelip, balany Óskemendegi mamandardyń qolyna aman-esen jetkizdi», - deıdi Katonqaraǵaı aýdanynyń aýdanaralyq aýrýhanyń bas dárigeri Arqabek Qadyrbaev.
Náreste áli de jansaqtaý bóliminde jatyr. Dárigerler oǵan ota jasaý qajet dep otyr.
«Sábıdiń jaǵdaıy aýyr. Kesheden beri ýltradybystyq zertteýlerden ótkizip jatyrmyz», - deıdi «Ana men bala» ortalyǵynyń bas dárigeri Ermek Omarbekov.
