Shala týǵan balalar kúnine oraı qaraǵandylyqtar onlaın-marafon bastady
QARAǴANDY. QazAqparat – Búgin búkil álem boıynsha Halyqaralyq shala týǵan balalar kúni atalyp ótýde. Jyl saıyn planetada 15 mıllıonǵa jýyq náreste óte tómen salmaqpen dúnıege keledi. Bul – árbir 10-shy náreste. Shala týǵan balalar men olardyń ata-analaryn qoldaý maqsatynda «28 ilmek» klýbynyń múshesi, qaraǵandylyq Ardaq Omarova «Kúlgin júrekter» onlaın-marafonyn bastady.
«28 ilmek» halyqaralyq eriktiler qozǵalysy osydan segiz jyl buryn Almatyda paıda boldy. Onyń negizin qalaýshy – jýrnalıst Karlan Nur. Búgingi tańda mundaı klýbtar álemniń 11 elinde bar. 2015 jyly «28 ilmek» Qaraǵandyda da uıymdastyryldy.
Eriktiler – qarapaıym adamdar: memlekettik qyzmetshiler, bank qyzmetkerleri, stýdentter, úı sharýasyndaǵy áıelder jáne taǵy basqalary. Olar taza maqtadan jáne júnnen zattar men oıynshyqtar: shulyq, bas kıim, keýdeshe, pledter jáne taǵy basqasyn toqıdy. Sodan keıin barlyq kıim-keshek jansaqtaý bólimshelerinde jatqan shala týǵan nárestelerge tegin beriledi.
Júnnen jasalǵan zattar shala týǵan sábılerdi jylytyp qana qoımaı, sonymen qatar olar emdik qasıetterge ıe. ıAǵnı, júıke talshyqtaryna áser ete otyryp, balaǵa ómir súretindigin sezdiredi.
Qaraǵandylyq eriktiler qarapaıym zattardy toqyp qana qoımaı, jańa týǵan nárestelerdiń fotosessııalaryna arnalǵan erekshe jıyntyqtar jasaıdy. Iirilgen jipterdi satatyn jergilikti dúkenderde «meıirim sebetteri» bar. Kez kelgen adam olarǵa toqylǵan buıymdardy nemese ıirilgen jipterdi qaldyra alady. Klýb jumys istegen bes jyl ishinde Qaraǵandyda oblystyń perzenthanasyna 6 458 jún buıymy tapsyryldy.
«Kúlgin júrekter» marafonynyń uıymdastyrýshysy Ardaq Omarova shala týǵan balalarǵa arnalǵan qyzyqty oıynshyqtardy toqyp beredi. Naýqanǵa qatysý úshin ol kez kelgen nıet bildirýshige kúlgin reńkte júrekter toqyp, olarǵa túrli-tústi spıraldar jalǵaýdy usyndy. Bul shala týylǵan náresteler úshin erekshe oıynshyq. Spıraldar bekerden tańdalmaǵan, olar kindikke uqsaıdy.
Mundaı marafondar birinshi ret ótkizilip otyrǵan joq. Baıqaýǵa, ádettegideı, búkil álemdegi eriktiler qosyldy. Demeýshiler - ıirilgen jip satatyn kompanııalar. Bul joly marafonǵa qatysýshylarǵa syılyqtar kóp bolady. 25 dúken, sonyń ishinde tanymal reseılik «Pehorka» kompanııasy metsenattar bolýǵa sheshim qabyldaǵan. Eń qýantarlyǵy, marafon jeńimpazdary búkil álemdegi asyǵympazdar úshin odan da kóp zattar men oıynshyqtar toqıtyn bolady.
Resmı derekter boıynsha, Qazaqstanda jyl saıyn 450 myńǵa deıin sábı dúnıege keledi. Onyń ishinde sábılerdiń 4-ten 12%-ǵa deıini - merziminen buryn týylǵan balalar. Olardyń salmaǵy myń gramnan aspaıdy.
