Shala sóngen temeki tuqyly aqmolalyq erli-zaıyptynyń ómirin qıdy
KÓKShETAÝ. QazAqparat - Aqmola oblysynda erli-zaıyptylar ıis tıip kóz jumdy, dep habarlaıdy QazAqparat tilshisi.
ІІD baspasóz qyzmetiniń málimeti boıynsha, qaıǵyly oqıǵa 26 qańtarda Astrahan aýdanynyń Tavoljanka aýylynda oryn alǵan.
Sot-medıtsınalyq saraptama qorytyndysy kórsetkendeı qaıǵyly oqıǵaǵa tósekte jatyp temeki shegý sebep bolǵan.
«Shala sóndirilgen temeki tuqylynan shyqqan órt pen tútinen (kómirqyshqyly gazy ) əıel adam oqıǵaǵa ornynda qaıtys bolsa, onyń kúıeýi aýrýhanada kóz jumdy», dep málim etti oblystyq ІІD-niń baspasóz hatshysy Gúlnər Pınchýk.
Al, ózge bólmede uıyqtap jatqan balany úıdiń ishi tútindep jatqanyn birinshi baıqaǵan ári kómekke kelgen kórshisi qutqaryp qaldy.
