Shákirov: Parlamentshilerdiń Jahandyq - 2030 kún tártibin iske asyrýǵa qajetti áleýeti bar
Parlamentshiler halyqaralyq kún tártibindegi ózekti máselelerdi, Parlamenttik Assambleıanyń aǵymdaǵy qyzmetin, sondaı-aq aldaǵy 2022 jylǵa arnalǵan jumys josparyn talqylady.
Qazaqstandyq parlamentshi Bıýro otyrysynda EQYU PA Arnaýly ýákili retinde Ornyqty damý maqsattary salasyndaǵy qyzmeti týraly esepti tanystyrdy.
Senatordyń pikirinshe, belgili bir progreske qaramastan, Maqsattardy iske asyrý jónindegi is-qımyldar áli de tıisti qarqyn men aýqymǵa jete qoıǵan joq. Koronavırýs ınfektsııasynyń taralýy men soǵan baılanysty ekonomıkalyq problemalar ODM búkil tizbesi boıynsha ornyqty damý kórsetkishterine teris áser etti.
«ODM jónindegi arnaýly ýákil retinde 2030 jylǵa deıingi kezeńge arnalǵan ornyqty damý salasyndaǵy kún tártibi aıasynda neǵurlym batyl is-qımyl jasaý maqsatynda parlamentshiler óz ókilettigi men halyqtyń ózgeristerge daıyndyǵy arta túskenin paıdalanýy kerek dep sanaımyn», - dedi ol.
Asqar Shákirov ODM-dy iske asyrýdy qamtamasyz etýdegi ulttyq parlamentter men EQYU Parlamenttik Assambleıasynyń róli týraly 2022 jylǵy 26 qańtardaǵy veb-dıalogty uıymdastyrý jónindegi josparlarmen EQYU parlamentshilerin tanystyrdy.
Shara qaýipsizdik jónindegi EQYU-nyń jan-jaqty kózqarasymen úılesetin qaýipsiz ári ornyqty bolashaq týraly oılaryn iske asyrýdy kózdeıtin «Helsınkı +50 – is-qımylǵa shaqyrý» bastamasyn ilgeriletý turǵysynda josparlanyp otyr.
Senat tóraǵasynyń orynbasary Stokgolmde bolǵan kezde EQYU Mınıstrler Keńesiniń 28-shi kezdesýi aıasynda Shved Parlamentiniń Ortalyq Azııamen dostyq qaýymdastyǵy basshysynyń orynbasary Mıkael Strandmanmen kelissóz júrgizdi. Onda ekijaqty yntymaqtastyqtyń jaı-kúıi men damý keleshegi talqylandy. Qazaqstan Prezıdenti Qasym-Jomart Toqaevtyń jańǵyrtý jónindegi kún tártibi aıasynda júrgizilip jatqan saıası reformalar týraly shved parlamentshisi habardar etildi.
Kezdesý qorytyndysy boıynsha parlamentaralyq baılanystardy údetý týraly ýaǵdalastyqqa qol jetkizildi.
