Shákirov Ortalyq Azııa BUU AQJKB óńirlik ókildigi orynbasarymen eldegi adam quqyqtary jaıyn talqylady

ASTANA. QazAqparat - Búgin Astana qalasynda QR Adam quqyqtary jónindegi ýákil Asqar Shákirov Ortalyq Azııa BUU-nyń Adam quqyqtary jónindegi joǵary komıssar baskarmasynyń óńirlik ókildiginiń orynbasary Beatrıs Ferensımen kezdesti.

Kezdesýdin maqsaty eldegi adam quqyqtaryn qamtamasyz etý, sondaı-aq Ombýdsmen mekemesi men AQJKB arasyndaǵy yntymaqtastyq máseleleri boldy.  

Azamattardyń qonstıtýtsııalyq quqyqtaryn iske asyrý salasynda Ombýdsmen qyzmetiniń máseleleri jóninde, onyń ishinde áleýmettik, ekonomıkalyq, eńbekti, turǵyn úı, halyqtyń osal toptarynyń quqyqtary, sondaı-aq BUU konventsııalyq organdarynyń usynymdaryn júzege asyrý jónindegi qabyldanǵan sharalar týraly  áńgime órbidi.  

Eki jaq Qazaqstannyń ulttyq quqyq qorǵaý mekemesiniń quqyq qorǵaý qyzmetiniń jekelegen baǵyttary boıynsha tájirıbesi, onyń basqa elderde engizýine belgili qyzyǵýshylyq tanytý múmkin ekendigin atap ótti. 

Kelissózder  qortyndysy boıynsha ekijaqty yntymaqtastyqty odan ári damytýdyń qajettiligi týraly, onyń ishinde Adam quqyqtary jónindegi ýákil mekemesiniń ınstıtýtsıonaldyq kúsheıtý salasynda ortaq pikir bildirildi, dep habarlaıdy QR Adam quqyqtary jónindegi Ýákildiń baspasóz qyzmeti.