Shakıranyń Qyrǵyzstandaǵy kontsertine qansha týrıst bardy
ASTANA. KAZINFORM — Qyrǵyzstannyń Týrızmdi damytý jónindegi memlekettik agenttiginiń dırektory Edýard Kýbatov «Kabar» agenttigine bergen suhbatynda álemge áıgili ánshi Shakıranyń Bishkektegi kontserti qalaı ótkeni týraly aıtyp berdi.
Vedomstvo basshysynyń aıtýynsha, Shakıranyń kontsertine shamamen 43-45 myń adam jınalǵan. Onyń 25 myńy — 35 elden kelgen týrıster. Kórermenderdiń basym bóligi Qazaqstan, Ózbekstan, Túrkııa jáne Reseıden kelgen.
Aldyn ala esep boıynsha, sheteldik týrısterdiń árqaısysy bılet, qonaqúı, kólik, logıstıka, kafe men meıramhana shyǵyndaryna orta eseppen 900 dollardan jumsaǵan. Nátıjesinde eki kúnniń ishinde Qyrǵyzstan ekonomıkasyna túsken qarjy 20 mıllıon dollardan asqan.
Edýard Kýbatov kelesi jyly «Bıshkek Arenada» 12-15 iri mýzykalyq, mádenı, etnomádenı jáne sporttyq is-shara uıymdastyrý kózdelip otyrǵanyn atap ótti. Qazirgi ýaqytta halyqaralyq ıvent-kompanııalarmen kelissózder júrgizilip jatyr.
Eske sala keteıik, 18 qazanda jańa «Bıshkek Arena» stadıonynda álemdik juldyz Shakıranyń Ortalyq Azııadaǵy alǵashqy kontserti Las Mujeres Ya No Lloran World Tour álemdik týrnesi aıasynda ótti.
