Shakıra ekinshi balaǵa júktiligi jaıyndaǵy qaýesetti rastady
ASTANA. QazAqparat - Kolýmbııalyq ánshi Shakıranyń ekinshi sábıin kútip júrgendigi jaıly sońǵy ýaqyttarda BAQ-ta jıi aıtylyp kelgen. Jaqynda ánshi bul áńgimeniń yndyqqa janasatynyn jaıly habar taratty. Pop-juldyz meksıkalyq Cosmopolitan jýrnalısterine bergen suhbatynda ıspandyq fýtbolshy Jerar Pıkeden ekinshi náreste kútip otyrǵandyǵyn málimdedi.
Alǵash ret ánshiniń júktiligi týraly aqparat baspasózde shildede fýtboldan álem chempıonaty ótip jatqan kezde jaryq kórdi, dep habarlady Lenta.ru. Shakıra sport sharasynda qarapaıym, ishin jasyratyn kóp qatparly kóılekpen shyqty. Alaıda ánshi men onyń azamattyq nekedegi jubaıy ol kezde jańalyqtarymen bólispedi.
37 jastaǵy ánshi men 27 jastaǵy fýtbolshynyń birinshi balasy bir jarym jasta. Mılan Mebarak Pıke (Mebarak - anasynyń tegi) 2013 jyly qańtarda dúnıege kelgen.
Eske sala keteıik, Shakıra alǵashqy júktiligi týraly óziniń Facebook paraqshasyna habarlama ornalastyryp, rastaǵan bolatyn.
