Shakıranyń Bishkektegi kontserti ótetin kún belgili boldy
ASTANA. KAZINFORM – Álemge áıgili kolýmbııalyq ánshi Shakıra 18 qazanda «Bishkek Arena» jańa stadıonynda kontsert ótkizedi. Bul týraly QR Prezıdentiniń Іs Basqarýshysy Kanybek Týmanbaev málimdedi, dep habarlaıdy Kazinform agenttiginiń Bishkektegi menshikti tilshisi.
Álemdik juldyz alǵash ret Ortalyq Azııada Las Mujeres Ya No Lloran World Tour álemdik týry aıasynda óner kórsetedi.
Bıletter 1 qazanda saǵat 9:00-de @gov.ticket saıtynda satylymǵa shyǵady.
Buǵan deıin Shakıranyń Qyrǵyzstandaǵy aldaǵy kontserti týraly habarlanǵan bolatyn. Sol kezde uıymdastyrýshylar men Qyrǵyz tarapy aldaǵy shoýdyń egjeı-tegjeıin, onyń naqty kúnine qatysty kelisim jasaǵan bolatyn.
Eske sala keteıik, 31 tamyzda Qyrǵyzstan astanasyndaǵy jańa «Bishkek Arena» stadıonynda VI Dúnıejúzilik kóshpendiler oıyndarynyń saltanatty ashylý rásimi ótti.
Onda amerıkalyq tanymal ánshi Nıkol Sherzınger óner kórsetti.
