Shakıra álem chempıonatynyń jabylý saltanatynda án salady
ASTANA. QazAqparat - Kolýmbııalyq ánshi Shakıra 13 shildede fýtboldan álem chempıonatynyń fınaldyq matchy aldynda bolatyn jabylý saltanatynda La La La (Brazil 2014) kompozıtsııasyn oryndaıdy.
Bul týraly Halyqaralyq fýtbol federatsııasy qaýymdastyǵynyń (FIFA) resmı saıty habarlaıdy.
Sondaı-aq, týrnırdiń basty oıyny aldynda Karlos Santana, Vaıklef jáne Aleshandre Pıres Dar Um Jeito atalatyn ándi shyrqaıdy. Chempıonattyń resmı ánurany Djennıfer Lopes, Pıtbýl jáne Klaýdııa Leıtte oryndaıtyn We Are One kompozıtsııasy.
Eske sala ketsek, 2010 jylǵy OAR-daǵy álem chempıonatynda Shakıra týrnırdiń resmı ánurany - Waka Waka (This Time for Africa) oryndaǵan bolatyn.
