Shakıra 100 mln. jazylýshy jınap, Facebook-te rekord ornatty
ASTANA. QazAqparat - Kolýmbııalyq pop-juldyz Shakıra Facebook-tegi jankúıerleri 100 mıllıondyq mejeden asqan alǵashqy adam atandy, dep jazady RIA «Novostı».
Ár túrli tilderde án oryndap júrgen juldyz 91,9 mıllıon jazylýshysy bar Emınem men 89 mıllıon jazylýshysy bar Rıannany basyp ozdy.
Shakıra áleýmettik jelide, ásirese, fýtboldan álem birinshiligi kezinde belsendilik tanytty. Ol túrli fotolaryn jıi-jıi jelige salyp otyrdy. Solardyń ishinde «Marakana» stadıonynda túsken sýreti erekshe tanymaldyqqa ıe boldy. Oǵan shamamen 3,5 mln. adam laık basypty.
Al, chempıonattyń jabylý saltanatynda ánshi La la la (Brazil 2014) ánin oryndaǵan bolatyn.
Facebook-tiń negizin salýshy Mark Tsýkerberg Shakırany osynsha kóp jazylýshy jıǵanymen quttyqtady.
