«Sháken juldyzdary» kınofestıvaliniń Bas júldesin Katarjına Roslanıetstiń «Saýda ortalyǵynyń qyzdary» fılmi ıelendi

dep habarlaıdy QazAqparat.

Iraklıı Kvırıkadze jetekshilik etken quramyna Andreı Gerasımov pen Ermek Tursynov engen qazylar alqasynyń sheshimi boıynsha Gran-Prı Polsha rejıssseri Katarjına Roslanıetstiń «Saýda ortalyǵynyń qyzdary» fılmine berildi. Al qazylardyń arnaıy júldesi Tımýr Ismaılovtyń «Bıngo» (Gollandııa) jáne Vasılıı Sıgarevtiń «Zyryldaýyq» (Reseı) fılmderi ıelendi. Onda «Jastar kınosy» sektsııasynda «Qysqa metrajdy oıyndyq kıno» atalymynda Sergeı Groznovtyń «Biz teledıdar kórdik» jáne «Qysqametrajdy oıyndyq emes kıno» atalymynda Anna Dranıtsıtsynanyń «Qashan men mıllıon utyp alam» (Reseı) jáne «Tolyqmetrajdy oıyndyq emes kıno» atalymynda Elnýra Osmonalıvpanyń «Almaz» (Qyrǵyzstan) fılmderi úzdik shyqty. «Debıýttar» sektsııasynda «Georgıı Ovashvılıdiń «Basqa jaǵalaý» (Grýzııa-Qazaqstan), «Stýdenttik kıno» sektsııasynda «Oıyndyq qysqa metrajdy kıno» júldesi Serik Ábishevtiń «Maı» (Qazaqstan) jáne «Oıyndyq emes qysqa metrajdy kıno» júldesi Alıjan Nasırovtyń «Qonys» (Qyrǵyzstan) fılmine berildi. «Halyqaralyq panorama» sektsııasynda Homaıýn Mýrývattyń «Jumaqtyń almasy» (Aýǵanstan) júldeli boldy. Sondaı-aq qazylardyń usynýy boıynsha kınofestıval dırektsııasynyń arnaıy júldesi Atalaý Tashdıkenniń «Momo - meniń qaryndasym» (Túrkııa), «Nur-Otan» HDP júldesi Madına Bakeevanyń «Tirshilik júıesi», Sháken Aımanov atyndaǵy «Qazaqfılm» AQ júldesi Oljas Isaevtyń «Trassa-09» (Qazaqstan) fılmine berildi. Qazaqstan Kınematografıster odaǵynyń júldesin Darıa Emelıanovanyń - «Ómirdi ańsaý» (Reseı), Qazaqtyń Temirbek Júrgenov atyndaǵy ulttyq óner akademııasynyń júldesin Alıjan Nasırovtyń - «Qonys» (Qyrǵyzstan), al jýrnalısterdiń táýelsiz qazylar júldesin Lenna Lıbertanyń «Ótinimin, otyryńyz» (Germanııa) fılmi enshiledi.