Sháken Aımanov fılmderin endi DVD-dıskiden kórýge bolady
ALMATY. 6 qańtar. QazAqparat /Názıra Eleýhan/- 2011 jyldyń 10 qańtarynan bastap rejısser Sháken Aımanovtyń fılmder jınaǵynan quralǵan DVD-dıskileri satylymǵa túsedi.
Jınaqqa urpaqtan-urpaqqa ulasyp kele jatqan, kópshiliktiń súıikti fılmderine aınalǵan qazaqtyń uly rejısseri Sháken Aımanovtyń «Aldar-Kóse», «Taqııaly perishte», «Án shaqyrady», «Bizdiń súıikti dáriger», «Atamannyń aqyry», «Atameken» týyndylary kirgen.
Kórermen endi taspadan óz ótirigimen talaı eldiń sanyn qaqtyrǵan Aldar-Kóseniń hıkaıalaryn tamashalap, «Taqııaly perishte», «Án shaqyrady», «Bizdiń súıikti dáriger» fılmindegi súıikti áýenderin tyńdap, shytyrman oqıǵaly «Atamannyń aqyry» fılminiń keıipkerimen qaıta qaýyshyp, «Atameken» fılminiń jan tebirenter oqıǵa jelisin qaıta eske túsirip, qazaq kınosynyń tuńǵyıyǵyna qaıta boılap shyǵa alatyn bolady.
DVD-dıskidegi fılmder jınaǵyn elimizdegi, Reseı Federatsııasynyń, Qyrǵyzstan men Ózbekstan aýmaǵyndaǵy «Meloman» dúkender jelisinen satyp alýǵa bolady. Bir jınaqtyń taralymy - 10 myń dana.
