Sháken Aımanov atyndaǵy "Qazaqfılm" AQ 10 kınotýyndyny prokatqa shyǵarady
ALMATY. 3 naýryz. QazAqparat - 15 naýryzda Erlan Saǵynovtyń "Bolashaq úshin" dep atalatyn tuńǵysh fılmi kórermen nazaryna jol tartady.
Sháken Aımanov atyndaǵy "Qazaqfılm" AQ-nyń baspasóz qyzmeti taratqan habarlamaǵa qaraǵanda, bul olardyń bıylǵy jyly prookatqa shyǵaratyn 10 kınotýyndysynyń alǵashqysy bolmaq. QR Prezıdentiniń jáne halyqaralyq "Bolashaq" stıpendııasy ıegeriniń bul melodramasy shynaıy ómirden alynǵan.
5 sáýirde onyń qataryna Toqtar Qarsaqbaevtyń melodramalyq "Mahabbat altybaqany", 26 sáýirde Aqan Sataevtyń "Jaý júrek 1000 bala" tarıhı dramasy qosylmaq. Odan keıin 23 mamyrda Ahat Ybyraevtyń alǵashqy jáne qazaqstandyq balalar fentezıi janryndaǵy tuńǵysh fılmi "Ańyz kitaby: qupııa orman" ómirge joldama alady. Sodan keıin balalarǵa arnalǵan 2 fılm jaryq kórmek. Aldymen 21maýsymda Erlan Nurmuhambetovtyń "Ańshy bala", odan keıin 23 tamyzda Ánýar Raıbaevtyń "Jeńis qylyshy" kishkentaı kórermenderdi qýantpaq. Sodan keıin kúzdiń alǵashqy aıynda Asqar Uzabaev pen Farhat Sháripovtiń "Boksshy joly" dramasy, qazanda Ámir Qaraqulovtyń "Vıtrýaldy mahabbat" melodramasy, qarashada "Er Tóstik jáne Aıdahar" anımatsııalyq fılmi jaryqqa shyǵady. Odan keıin jyl sońyna qaraı ekshn janryndaǵy Marına Kýnarovanyń "Elesti aýlaý" fılmi kórermenge usynylmaq.
