Sháken Aımanov atyndaǵy «Qazaqfılm» ulttyq kınostýdııasy» AQ vıtse-prezıdenti sottaldy
ALMATY. KAZINFORM – Almaty qalasynyń Bostandyq aýdandyq soty Sháken Aımanov atyndaǵy «Qazaqfılm» ulttyq kınostýdııasy» AQ burynǵy vıtse-prezıdenti S.S.Jubandyqovqa qatysty úkim shyǵardy. Bul týraly Sybaılas jemqorlyqqa qarsy is-qımyl agenttiginiń baspasóz qyzmeti málim etti.
Ol Almaty oblysy Іle jaǵalaýyndaǵy «Kóshpendiler» kınojobasy aıasynda naryqtyq qunynan 44 ese tómen baǵamen salynǵan «Túrkistan qalasy» Býtafor bekinisin zańsyz iske asyrý jolymen memleketke zalal keltire otyra jymqyrǵany úshin sottaldy.
Sot úkimimen Jubandyqovqa shartty túrde 5 jyl merzimge bas bostandyǵynan aıyrý jazasy taǵaıyndaldy.
Sonymen qatar aktıvterdi qaıtarý boıynsha júrgizilgen jumystar jer ýchaskesi men bekinis memleket menshigine qaıtaryldy.
Úkim zańdy kúshine engen joq.
