Shákárim Qudaıberdiulynyń 1927 jylǵy fotosýreti tabyldy

ASTANA. QazAqparat - Máskeý arhıvterinde júrgizilgen zertteý jumystarynyń kezinde Abaı qoryq murajaılarynyń mamandary (Semeı) Shákárim Qudaıberdiulynyń 1927 jylǵy fotosýretiniń túpnusqasyn taýyp alǵan. Bul týraly QR Mádenıet jáne sport mınıstrliginiń baspasóz qyzmetinen habarlady.

Osy ýaqytqa deıin murajaı bul fotosýrettiń kóshirmesin qoldanyp, sýrette Shákárimniń ózi beınelengen faktisi naqty bolmaı kelse, máskeýlik arhıvte tabylǵan qujattyń artynda sýrettegi adamnyń esimi men túsirilgen merzimi jazylǵan eken.

Fotosýrettiń avtory orys zertteýshi Fedor Fıelstrýp bolyp shyqty. Onyń materıaldarynda zertteýshiler qazaq danyshpanymen kezdesý týraly jáne Shákárimniń óz aýzynan shyqqan aqparattar kezdesedi. Áıgili qazaq aqyny ǵalymǵa búrkitpen ań aýlaý jáne qazaq halqynyń sút taǵamdary týraly baıandaǵan. Sonymen qatar, Mýzeı qyzmetkerleri Shákárim turǵan aýyl beınelengen 30 fotosýrettiń kóshirmesin alyp keldi.