Shahtınskige qarasty kenttegi opyrylǵan úıdi arshýǵa 280 adam jumyldyryldy
ASTANA. QazAqparat - Shahtınskige qarasty Shahan kentindegi qulaǵan turǵyn úıdiń úıindilerin arshýǵa 280 adam jumyldyryldy, dep habarlaıdy QR ІІM TJK resmı ókili Rýslan Imanqulov.
«Qazirgi ýaqytta Shahan kentindegi qulaǵan úıdiń úıindilerin tazartýǵa 280 adam jumyldyryldy, olardyń qatarynda qutqarýshylar, polıtsııa qyzmetkerleri, jergilikti atqarýshy organdar, jedel medıtsınalyq járdem brıgadasy, Ulttyq ulannyń 52859 áskerı bóliminiń aýyr tehnıkasy jáne jeke kásipkerler bar», - dep málim etti Rýslan Imanqulov.
Buǵan deıin habarlanǵandaı Qaraǵandy oblysy Shahtınsk qalasyna qarasty Shahan kentindegi turǵyn úıdiń qulaý oqıǵasyna qatysty Shahan kenti ákimdigi qasynan shuǵyl jeli ashyldy: 8 (72156) 3-24-17.
Eske sala keteıik , 1 qańtar kúni 22:40-ta Qaraǵandy oblysy TJD qutqarý bólimine Shahtınsk qalasy Shahan aýylyndaǵy kópqabatty úıdiń bir bóligi opyrylyp túskeni týraly qońyraý shalynǵan. Oqıǵa ornyna shuǵyl túrde TJD qutqarýshylary jóneltilip, turǵyndar evakýatsııalandy. Áýeli 1 adamnyń máıiti úıindi astynan shyǵarylǵan bolatyn. Keıin ekinshi turǵynnyń denesi úıindi astynan tabyldy.
