Shahtınskide zeınetkerlerdi qatygezdikpen óltirdi degen kúdikti ustaldy
ASTANA. QazAqparat - Shahtınskide erli-zaıypty zeınetkerlerdi qatygezdikpen óltirdi degen kúdikti ustaldy, dep habarlaıdy QazAqparat tilshisi.
«Qalanyń 30 jastaǵy turǵyny ustalyp, oǵan qatysty bultartpaý sharasy qoldanyldy. Qylmystyq is qozǵaldy, tergep-tekserý júrgizilip jatyr. Qalǵan aqparat qupııa», - dep málimdedi Qaraǵandy oblysy ІІD baspasóz qyzmetiniń ókilderi.
Departamenttegiler Shahtınskide bolǵan erekshe aýyr qylmys deregi boıynsha QR QK 99-babynyń («Adam óltirý») 2-bóligine sáıkes sotqa deıingi tergep-tekserý bastalǵanyn aıtty. Tergeý jónindegi jedel topqa ІІD bastyǵynyń orynbasary basshylyq etedi.
27 aqpan kúni Máskeý kóshesindegi páterlerdiń birinen 73-74 jastaǵy egde adamdardyń pyshaqtap tastalǵan denesi tabylǵan bolatyn. Óltirilgenderdiń kórshileri eshqandaı dybys estimegen, esiktiń qulpy da buzylmaǵan.
Ata-anasynyń máıitin uly tanyǵan. Qandy oqıǵa 25 aqpanda bolǵan. Zeınetkerlerdiń óltirilýi qala turǵyndarynyń jaǵasyn ustatqan.
