Shahtınskide túlekterdiń biriniń anasy óleń oqyp turyp, kóz jumdy
ASTANA. QazAqparat - Shahtınsk mektebinde attestattardy tapsyrýdyń saltanatty sharasynda túlekterdiń biriniń anasy qaza tapty, dep habarlady «Nasha ıArmarka» basylymy.
№ 7 Shahtınsk mektebinde toǵyzynshy synyp túlekterine arnalǵan kesh qaıǵyly aıaqtaldy. Muǵalimderge alǵysyn aıtyp jatqan kezinde ata-analardyń biri 39 jastaǵy Tatıana jerge qulaǵan. Jedel járdem tez jetti. Alaıda áıel kóz jumdy.
Ata-analardyń sózderine qaraǵanda, bul kúni Tatıananyń qyzy da mektep bitirip jatqan. Onyń uly da osy mektepti támamdaǵan eken. Tatıana artyq salmaqtan arylý úshin sońǵy kezderi jarnamalanyp jatqan aryqtaýǵa arnalǵan preparattardyń birin paıdalanyp, arnaıy trenıngterge baryp júrgen. Jarty jylda ǵana ol qyryq keliden aryldy.
- Onyń salmaǵy 67 kelige jetti. Alaıda ol muny da kóp dep sanady... - dedi qaza tapqan Tatıananyń qyzynyń synyptasynyń anasy. - Bul kúni ol baqytty boldy. Sahnada óleń oqydy. Kenetten qulap qaldy. Aldyn ala dıagnoz: tamyr jarylyp ketken.
