Shahtınskide opyrylyp túsken úıdiń astynan taǵy bir adamnyń máıiti tabyldy
ASTANA. QazAqparat - Qaraǵandy oblysynda kópqabatty turǵyn úıdiń bir bóligi opyrylyp túsýi saldarynan qaza tapqandar sany 2 adamǵa jetti.
Bul týraly QR ІІM TJK resmı ókili Rýslan Imanqulov habarlady.
1 qańtar kúni 22:40-ta Qaraǵandy oblysy TJD qutqarý bólimine Shahtınsk qalasy Shahan aýylyndaǵy kópqabatty úıdiń bir bóligi opyrylyp túskeni týraly habar túsken.
Oqıǵa ornyna shuǵyl túrde TJD qutqarýshylary jóneltilip, turǵyndar evakýatsııalandy.
Buǵan deıin 1 adamnyń máıiti úıindi astynan shyǵarylǵan bolatyn.
