Shahtınskide kúıeýiniń denesin bólshektegen áıel 11 jylǵa sottaldy
QARAǴANDY. QazAqparat - Azamattyq kúıeýin tunshyqtyryp, denesin bólshektep tastaǵan Shahtınsk turǵyny 11 jylǵa bas bostandyǵynan aıyryldy, dep habarlaıdy «QazAqparat» HAA tilshisi.
Úkimdi jarııalaǵan Qaraǵandy oblysy qylmystyq ister boıynsha arnaıy mamandanǵan aýdanaralyq sotynyń sýdıasy Islamhan Esenbaevtyń aıtýynsha, sottalýshy Natalıa Hvostıkova otbasylyq janjaldan soń azamattyq kúıeýin tunshyqtyryp, bólshektep tastaǵan.
Sot 40 jastaǵy áıeldiń óz azamattyq kúıeýin, balalar úıiniń burynǵy tárbıelenýshisin aıaq kıimniń baýymen tunshyqtyrǵanyn anyqtady. Sodan keıin máıitti vannaǵa aparyp, bólshektegen. Qaldyqtaryn balkonǵa shyǵarǵan. Balkondaǵy adam denesi múshelerin kórgen kórshisi polıtsııaǵa habar bergen.
Sot qaýlysymen sottalýshy Qylmystyq kodekstiń 99-baby boıynsha aıypty dep tanyldy jáne oǵan jalpy rejimdegi túzeý kolonııasyna 11 jylǵa bas bostandyǵynan aıyrý túrinde jaza taǵaıyndaldy.
